KORONADAL CITY, South Cotabato Hulyo 26 (PIA) — Andam na ang Regional Search Committee (RSC) 12-Technical Working Group (TWG) para sa una nga pagpangusisa sa mga nominado sa Search for Outstanding Volunteers (SOV) sa subong nga tuig.

Suno kay Elvie Cabulanan sang Development Research Division sang National Economic Development Authority (NEDA) XII kag RSC secretariat nakaplastar na ang talana sa himoon nga field validation.

Siling pa niya nga nag-umpisa na ang himoon nga pagbisita kag pagpamangkot sa mga nominado sa Agosto 1 hasta 10. Sa subong may ara na apat ka mga nominado sa Individual-Adult Category kag isa naman sa Organization-Not-for-Profit Category.

Suno pa nga sa himoon nga field evaluation, luwas sa nominado, pamangkuton man ang mga katapo sang RSCXII- RTW ang mga nangin benepisyaryo sang mga boluntaryo nga na-obra sini. Sa sini, dire mas pa makilala ang ang hinimuan sang nominado bilang isa ka volunteer.

Ang RSC XII- TWG ang ginkaupdan sang mga katapo halin sa Civil Service Commission, Commission on Higher Education, Department of the Interior and Local Government, Technical Education and Skills Development Authority, Philippine Information Agency kag tatlo ka representrante halin sa pribado nga sekta.

Samtang, ginsugtan sang RSC XII-TWG nga padugayon pa ang katapusan nga petsa sa pagpasa sang nominado hasta sa Hulyo 26.

Tungod sini, nagpanawagan naman si Guillermo Manrique Jr. officer-in-charge sang DRD sa mga boluntaryo nga magpasakop sa SOV 2017 para matagaan higayon nga makilala ang ila bulawanon nga bulig sa sosyodad.

Ang SOV  tinuig  nga ginahimo para kilalahon ang mga kada isa, hugpong nga kaupod ang gobyerno sa pagbulig sa mga nagakinahanglan kag para man maduso ang kinaiya sang boluntarismo. Ini ginkaupdan sang kategorya sa Individual-Adult, Individual-Youth, Organization-Corporate, Organization-Not-for-Profit kag Volunteer Lifetime Achievement Award. (EBdelaCruz/PIA12)

Source: http://pia.gov.ph/news/articles/1801501035851